Wednesday Sep 25th, 2019

Wednesday Sep 25^th, 2019

Kal, ek din k liye mein apne ghar aya tha. Daily raat to mein 8 PM se almost subha 3-4 AM tak kaam karta tha, bat kal mera man nahi tha. Bahar khana khane k bad, itna drive karne k bad mein bohot thak gaya tha, or sone chala gaya jaldo socha ki 1 hr sone k bad kaam karuga. Daliy ki adat h jagne ki, itni jaldi mei kabi sota nahi, layt to gaya par fir nind nahi aa rahi thi ache se. aise hi layta reha, kachi kachi nind aane lagi.

Kai baar jb muje nind nahi aa rahi hoti, subha kaam karne k bad ya waise hi layta hota hu kabi, yaa jab kabi akela hota hu man karta h kisi se baat karne ka, bohot akela sa lagta h, to kai baar khud se hi bate karne lagta hu. Aise hi kuch b, bachpan ki yaadein, ajkl ki kam ki bare me, agar kaam nahi chal reha to kya galti ho rahi h khud se hi bate kr k discuss karlena, ya fir kabi khud se hi hasi majak karlena. Pagal nahi huwa hu mein. Pata ni baki logo k sath aisa hota h ya nahi. Par thik h muje thik lagta h kabi kabi. Meine kabi kisi ko btaya ni ye, log to muje pagl hi bole ge. Par jab aapke koi dost na ho, koi na ho jis se aap baat na kar paiou to khud se acha kon mile gaa aapko.

Aise hi thodi dar laytne k bak, halki halki nind si aane lagi. Mera phone mere pilow k pas hi pada tha, thodi dar bad mera phone vibrate huwa, meine waise hi kacchi nind me phone daykha insta ki koi notification thi, or ek pehle ka whatsapp pe text b aya huwa tha. Screen pe sender kaa naam aa rehaa tha “Radhika Baby Ka Whatsapp”. Radhika wo tera text tha. Muje nind aa rahi thi, aals a reha tha to socha thodi dar me abi jab kaam karne uthu ga tab daykh k rly krduga. Phone rakh k fir se layt gaya.

Waise hi layta gaya fir se, khud se bate karne laga pehle ki tarah, muje yad h mei apne bachpan k bare me yaad kr reha tha. Par is baari ek chiz alag thi, mei khud ki jagah Radhika tujhse bate kr reha tha. Nind me tha, par muje saaf saaf yaad hai, tu mere sath khadi hai or hum bate k rahe h. Pehle jo bate mein khud se kr reha tha, meri jagah tujh se replace ho gai.

Kai baar aisa hota h ki sone se pehle aap koi chiz daykho ya socho wo aapk mind me reh jati h. Tera naam mere phone pe daykha, shayd wahi mere mind me reh gaya, or meri jagah tu hi aane lagi.

Mein tere se khub sari bate kari, mei tuje wapis apne bachpan k time me le gaya. Jaha pe mei or mera ek dost mitti me khelte the, mitti me guffa bana ya karte the wha le gaya dikhane k liye. Fir tuje apne bade papa and massi k ghar leke gaya. Onki ab death ho gai h, par jab mein chota tha zadatar onk ghar ki rehta tha. Meri massi muje bohot pyar karti thi. Meine tuje onka pur ghar dikhaya. Tb onka ek room khali huw karta tha, kabfi bada room tha. Mein, Akul, or mera cousin wha bat ball khela karte the. Tab mei chota tha na, tab cricket nahi, bat ball hi bolta tha. Wo b kya din the.

Fir mein tuje pata kaha le gaya, kya dikhane, tuje hasi aigi, ye chiz yeha b ghusa di. Fir mein tuje toilet me leke gaya pot dikhane. Pata h q. Q ki muje ache se yaad h, onk ghar pe western pot tha, or wo subse pehla tha jispe bayth k meine poty ki. First time to muje bohot acha laga, mein chota sa to tha na, par aasli dikat to tab aai jab poty karne k bad saaf karni thi. Ousme ous time jet ya spray b nahi tha. Meri poty training papa ne ki thi or indian pe. To ous din western pot pe poty karne k bad first time badi mushkil se saaf ki, muje abi b hassi aati h yaad kar k.

Is k baad pata h muje bukh lag gai to mummy k hath k aalu, gobhi k pranthe k bare mei tuje bata reha tha. Mumy kaise mere liye tasty tasty pranthe bnati thi. Baarik kati hoi hari mirch, dhaniya, gobhi k prantho mei, or alu k pranthi me sukha dhaniya or thoda sa, bas thoda sa na zada chota na zada mota, bs thoda sa mota kata wa pyaj, fi jab garam garam prantha thanda thanda dahi k sath laga k khaiou to wo pyaaj kitna tasty lagta h. Meine tere sath prantho ki puri recepie discuss kari.

Muje garam garam, lal lal pranthe pasand the, or pata h mummy muje ek dum garam garam tave se utar k deti thi red red, or agla prantha tb tk nahi bnati thi jb tk mein pehla wala na kha lu. Ek baar mei mein 5 tk kha jata tha. Muje mummy ka khana bohot yaad ata h Radhika. Tab na mare hisab se khana banta tha. Agar kisi or ko alag chahiye hota tha na, to b mere liye thoda alag meri psand ka banta tha.

Ab to Radhika ghar ka acha khana khaiy huwe kitna time ho gaya. Alu k prantha to fir b khaya h bahar market me, par gobhi ka saalo ho gaiy.

Radhika ye sab mere sapne me chal reaha h. sari bate, mere bachpan ki alag alag jgh alag alag jagh. Bate kr rahe h.

Is k bad ek last event. Isme tu bas door khadi sab daykh rahi h. Ye wo tha jab first time meine apne school me guitar pe ek soch perform kiya tha. Ouski prepration chal rahi h. Tb school time pe mere pas itne resources nahi the, but ab sapne me mere pas sab h, to ye mere hisab se chance ho gaya thoda.

Mere mama mami h bohot rich, onka ghar bohot wala or lavish lifestyle h. onk ghar pe school function ki prepration chal rahi h. Mere sabi dost wahi h, sub log chill mar rahe h koi yeh koi wahal.

Tu or mein, zamin pe Rs1, Rs2 k coin se Air Hockey wali game khel rahe h. Fir meine bola ye Striker bohot chota h mei kitchen se steel k glass ya fir katoori me ata hu ous se khele ge. Mei leke k aya or hum our se zamin me khel rahe h. baki sub apni apni tyariya kar reahe h. Muje koi fikar nahi. Ek dum Self confidence se bhara huwa. Tab schook days me mujhe sach me bohot confidence hota tha, kisi se ladna ho ya exam ho ya koi b kam karna ho, koi fikar nahi. Fir is k baad school performance ka time ho reha tha. Meine apni electric guitar uthai or bhaga ghar se. Walking distance pe hi tha. Jate jate tune bola guitar to atleast check krle thik h b ya nahi practice to ki nahi. Mene cover khola ouski 1^st string tuti hoi thi. Fuck ho gya. Haahaha… Fir mera hi sapna tha mere hisab se moderate ho gaya. Raste me age hi ek guitar shop a gai, mene ouse bola iski string change kardo, or wha muje ek green clr ki electric guitar psand a gai meine wo Rs 17k ki thi meine bohot request kar k our se rent pe guitar leli or purani wali guitar tune tang li, aise hi tasahn marne k liye.

Mein ek dun style me nai guitar tang k or tu mere piche piche apni guitar tang k rockstart ki tarah school me entry le. Wah ja k pata chala saala muje dar ho gai even kab ka start ho gaya or shayad hmara time nilak gaya perform karne ka….age kuch kuch yaad nahi pura ab.

Fir next scene me. Meine kahi BPO me time pass k liye job krli ki dost ban jaiyge time kat jaiyga. Mere sath k baki k log 10-15 salary wali. Muje paiso ki fikar nahi, to mei tashan mei. Apni gadi leke pick karne gaya ek do ladkiy ko.

Driving seat pe mein, mere ek dum piche tu, or sath me yaad ni koi do ladkiya thi. Par thi bohot achi , tu baythi bs daykh ri h. or mein 7we aasman pe. Haha….

Isk bad mei kabi parking me laga k, hum kuch kha rahe the, tab kisi ne age se meri car ki bohot zor se thok diya bohot zada. Mei bahar gaya meine puce police ki dhamki di, tune piche se bola tu kaha police bulaiga. Muje gusa a gaya fir mein police ko laya or thokne wale ko padka fir police wale apna karte rahi mei bohot dukhi ki mei car thok di.

Fir yaaad nahi age zada.

N fir priya ka phone a gaya muje uthane k liye, jaise daily ata h. Ek bar nahi 3 miss call lagatar n 4 bar meri nind khul k hi mani. Hass mat tu.

Mein kal 2;30 baje soya tha subha 1;30 utha, sari rat mei tuje apni life k kuch hamesha yaad rehne wale evens me ghumata reha, or bohot sari bate ki or muje acha b lag reha tha. Subha mein utha na tu muje laga jaise pata nahi mein tuje kitne saslo se, bachpan se janta hu. Tabi meine socha likh leta hu. Warna waqt k sath ye b bhul jaiouga.

Kabi kabi kaise sapne ate h na Radhika.