Kash Mein Bol Pata... Dec 5th, 2019

          Mein kisi bhi chiz ko leke naraz nahi hoon tujhse, na hi koi gussa hai mere man me. Par ha, bura lag reha hai yar. Sub k sath aise hota hi hai, mere sath bhi pehli bar nahi hai. Par mein tuje life mei aage badta huwa daykhna chahata hoon. Waqt k sath nahi chalegi to meri tarah life me piche reh jaiygi. Mein tuje apne sapne pure karte huwe daykhna chahta hoon, apni zindgi jete huwe daykhna chahta hu, tuje successful daykhna chahta hu.

Hamari ab pehle jaise bat nahi hoti, mila nahi hota, apni apni life me busy hone lage hai. Achanak se koi apna door hone lage to ek bar to bura lage ga na, ye ek chiz bas mere bas me nahi. Par is se kahi zada khushi tuje life me agge badte huwe daykh k hoti hai, sach me. Apne, aur apne parents k sapno ko pura karne k liye man laga k mehnat karte huwe daykh k hoti hai.

      Ab age kya hoga ye bhi muje bohot ache se pata hai. Kabi kabi wish karna hafte me badal jaiga, kuch bat karne k liye nahi hogi. Life chalti rahe gi, ye hafte hafte se bs kabi kabi ki hi helo tak reh jaygi, ya fir haal chal puchne k bad jab sochna padega ki ab kya reply karu, to ousi soch me reply karna reh jaiyga. Kuch hoga hi nahi bolne batane ko. Kabi man bhi kiya baat karne ka to ek hesitation hone lagegi, ki itne time se bat nahi ki to ab kya karna. Aur aise hi, hamari dosti kahi door kahi piche reh jaiygi bas yadeein reh jaiygi zindgi bhar k liye.

         Ek din. Ek din pata kya hoga. Kaam kar k man thakne lage ga. Daily routine se man bharne lage ga. Jab kabhi tu sham me ghar aa k apne din bhar k kamo se thaki, thodi dar aram se baythe gi, aur ankhe band kare gi, tab pata hai kya hoga? Purani ache din yaad aige, wo sare dost yaad aige jin k sath kabhi na kahi tune zindgi k shayad subse pyare lamhe beetaiy hoge. Wo colage ki life kabi assignments n projects ka end time tk pressure, dosto ka hassi mazak, onk sath spent kiye huwe wo pal, wo waqt.

       Issi bich, pata hai mein bhi yaad aiouga, ki mera ek dost tha, Mukul, mera chutiya wala chehra aaiga man me, aur aise hi nahi, sath mein ek mithi si muskaan abhi laiouga, jaise mere chehre pe hai is waqt “tuje yaad tarte huwe, ye likhte huwe”. Aur mujhe yakeen hai tu kho si jaiygi teri meri yadoon mein.

Miss to zarur karegi mujhe, hamari wo sari bate btane, kaise hum kabi kabi biluk paglo wali bate kiya karte the, rat bhar ghuma karte the, tu movie lagati thi aur mein bas bato mein laga diya karta tha movie daykhne nahi daya karta tha. Wo thoda sa waqt, sub se chura k, bas tera mera huwa karta tha, aur hume ek dusre k sath acha laga tha, jaise ye bate kabhi khatm na ho kabhi.

            Daykhte hi daykhte tu kho jaiy gi inn yadoon me jaise abhi phir se jee rahi ho. Aur pata hai tu kya bole gi, “Kitne ache din the yar, hum kitne ache dost the, sath mein kitna acha time tha, kash wo ous waqt me hum wapis ja sakte.”

      Aur jab akheen khuli gi na, tab mehsoos hoga ki wo waqt kiti piche reh gaya yar. Pata nahi aisa kya huwa ki hum alag ho gaiy. Miss karne lage gi on dino ko.

       Muje pura yakeen h, ki chahe kisi b karan se hamari baat honi band ho gai ho, ya kitne bhi waqt se hamari baat nahi hoi ho, ek bar man to kare ga tera jaan ne ka ki “mein kaisa hu, kaha hu”.

Kabhi bhi meri yaad ai na yar, to akele mei haste mat rehna, aas paas wale pagal bole ge.

Meri kabi yaad ai to bs ek bar phone hi to karna h. Hum dono sath me hase ge yar, apne purane dino ki tarah. Mujhe pata hai tu kisi ko call nahi karti, par iss bar kr lena please. Hum wo waqt phir se jiye ge, sath me, Ek dusre k sath jiye ge. 

Acha lagega, aur tujhse zada mujhe acha lagega.

    Pehle ki tarah harami har roz ki bate nahi hogi. Par abhi bhi hamari bate kabhi khatam nahi hogi. Agar tere pas kuch bolne ko nahi bhi huwa na to bhi mein bate khatm nahi hone duga.

Dor hoge to kya huwa, mahino bat nahi hogi to bhi kya huwa. Hum dost to rahe ge na hamesha?

          Tujhe pata hai, Mein kabhi tujhe aise yaad karuga to mein kya boluga khud se, “Bohot acha lagta tha ousk sath, dil me jo hota tha ek ek kar k sab bol diya karta tha mein ous se. Dost se zada thi mere liye wo. Aur jab wo meri double meaning bato pe mujhe aise muskurati ankhoon se daykha karti thi, ouski ankheen, har bar dil har jaya karta tha ouspe. Kash mein himmat kar k sab bol pata ous se."